मुगु — सोरु गाउँपालिकाले करारमा कार्यरत कार्यालय सहयोगीहरुलाई हाजिर नगर्न निर्देशन दिएको छ। शुक्रबार सार्वजनिक गरिएको एक सूचनामार्फत गाउँपालिकाले स्वीकृत दरबन्दी अनुसारका कर्मचारी मात्र कार्यालयमा उपस्थित हुनुपर्ने स्पष्ट गरेको हो।
सूचनामा पाँच जना कार्यालय सहयोगीलाई मात्र हाजिर हुन अनुमति रहेको उल्लेख गर्दै बाँकी करार कर्मचारीलाई मंसिर १ गतेदेखि कार्यालयमा हाजिर हुन नपाउने जानकारी गराइएको छ।
गाउँपालिकाले जनशक्ति व्यवस्थापनलाई प्रभावकारी बनाउन तथा दरबन्दीअनुसार मात्र कर्मचारी परिचालन गर्न यस्तो कदम उठाइएको जनाएको छ।
